શિવાની રમેશચંદ્ર ગોર
કચ્છ ભુજ નિવાસી શિવાની રમેશચંદ્ર ગોર તેમણે શિક્ષણ ક્ષેત્રમાં માસ્ટર ડીગ્રી ગુજરાત યુનવર્સીટીમાં સંપાદન કરી, મુન્દ્રામાં બીએડનો કોર્ષ પૂર્ણ કર્યો છે. માધ્યમિકશાળામાં વિજ્ઞાન અને ગણિતના વિષય સાથે કેટલાક વર્ષો સુધી અભ્યાસ કરાવ્યો છે. પારિવારીક જવાબદારીને કારણે ભણાવાનું બંધ કર્યું પરંતુ ફરી સાનુકુળતા થતાં ૨૦૧૫નાં શિક્ષણક્ષેત્રમાં સ્થાન મળતાં, ફરી શુરુ થયું. છેલ્લા છ વર્ષમાં તાલુકા સ્થાને અને જીલ્લા સ્તરે વિજ્ઞાન ફેરનું કેટલીક વાર સંચાલન કર્યું છે. વિદ્યાર્થી જીવનમાં શિક્ષણ કેવું હોવું જોઈએ અને કેવી રીતે બાળકોને ઉત્તમ શિક્ષણ આપવું જોઈએ, એમના પર વિશેષ ધ્યાન રાખ્યું છે. સ્વામિનારાયણ ભગવાને સ્વહસ્તે લખેલી શિક્ષાપત્રી અને સ્વમુખે કહેલ વચનામૃત તેમજ સ્વામિનારાયણ સંપ્રદાયના વિદ્વાન સંતોના લખેલા ગ્રંથો અને કવિ દલપતરામ, કવિ કલાપી જેવા વિદ્વાન કવિઓના કાવ્યોનું વાંચન રાખ્યું છે. શ્રીમદ્ભગવદ્ગીતા જેવા સર્વોત્તમ શાસ્ત્રનું વાંચન અને ચિંતવન પારિવારીક રહ્યું છે.
